“बाहेरच्या परिस्थितीवर नियंत्रण मिळवण्याचा उपाय”

        “जो माणूस दुसऱ्यांच्या आनंदात कायम आपला आनंद मानतो तो माणूस आयुष्यात कधीच दुःखी होऊ शकत नाही त्या व्यक्तीच्या आयुष्यात विघ्न कमीच येतात”

    एकदा एका राजाने आपल्या राज्यात घोषणा केली की जो कोणी मला या जगातलं सर्वात शांत चित्र पाहिजे आहे ते जोपण चित्रकार ,कलाकार, पेंटर हे चित्र बनवून दाखवील त्याला पाहिजे तो इनाम दिला जाईल हिरे, दागिने, मोती जे पाहिजे ते दिलं जाईल ,परंतु चित्र हे जगातलं सगळ्यात शांत चित्र असलं पाहिजे ते एक शांतीचं प्रतीक असलं पाहिजे.

स्पर्धेची घोषणा झाली खूप सारे स्पर्धक पोहोचले होते भाग घेण्यासाठी तेथे आल्यावर प्रत्येकाने आपापल्या कला दाखवायला सुरुवात केली आणि चित्र काढायला सुरुवात केली त्यानंतर प्रत्येक फेरीनंतर बरेचसे स्पर्धक बाद होत गेले आणि शेवटच्या फेरीपर्यंत फक्त दोनच स्पर्धक शिल्लक राहिले त्यांच्या दोन पेंटिंग निवडल्या गेल्या. आणि त्या ज्या दोन पेंटिंग होत्या त्या दरबारात ठेवण्यात आल्या, सर्वांना पाहण्याकरता

नक्की वाचा: “जीवनातील समस्यांचं रडगाणं गायचं बंद करा”

राजासाहेबांनी आपला निकाल ऐकवला त्यातली जी पहिली पेंटिंग होती ती कमालीची सुंदर होती त्यात एक स्वच्छ पाण्याचा तलाव होता तलावाचं पाणी एवढं स्वच्छ होतं की त्यातले खाली तळाला असलेले दगड दिसत होते आणि चारही बाजूंना बर्फाची चादर पसरली होती कापसाच्या गोळ्यासारखे ढग दिसत होते पक्षीही सुंदरपणे आकाशात उडत होते लोकांना वाटत होते की हे चित्र खूपच शांत दिसत आहे 100% पारितोषिक यालाच मिळणार;

त्यानंतरची दुसऱ्या क्रमांकाची पेंटिंग होती ती जरा भीतीदायक होती आकाशात काळे कुट्ट ढग जमा झालेले होते विजा कडकडत होत्या चमकत होत्या तुफान येणार होतं त्यातल्या डोंगरावरून जोरजोरात धबधबा खाली कोसळत होता त्याचं पाणी जोरदार आवाज करत कोसळत होते धबधब्याच्या जवळची झाड होती ती जोरदार वाऱ्यामुळे हलत होती सगळं नेस्तनाबूत होणार असे चित्र दिसत होतं मोठी उलथापालथ होणार हे त्या चित्रातून दिसत होतं.

परंतु लोकांना हे समजत नव्हतं की दुसऱ्या पेंटिंगची निवड कोणत्या दृष्टिकोनातून केली गेली आणि त्यांना वाटलं की काही असले तरी बक्षीस मात्र पहिल्याच कलाकाराला मिळणार म्हणून आणि राजाने आपला निकाल ऐकवला की जिथे दुसऱ्या क्रमांकाचे चित्र आहे ते जगातले सर्वात सुंदर आणि शांत चित्र आहे जे की आजपर्यंत पाहिलं नाही लोकांचं डोकं चक्राहून गेलं राजाला विचारायची कोणाची हिंमत नव्हती परंतु पहिल्या चित्राचा चित्रकाराने न राहवून राजाला विचारले की या चित्रात असे काय आहे की तुम्ही याला सर्वात शांत चित्र म्हणून घोषित केले

 राजाने म्हटले की तुम्ही या दुसऱ्या पेंटिंगचं व्यवस्थित निरीक्षण केलं नाही या दुसऱ्या फोटोच्या धबधब्याजवळ एक झाड वादळाने डोलत आहे आणि त्यावर जे घरटं आहे ना त्यातला पक्षी आपल्या पिल्लांना घास भरवीत आहे बाहेर निसर्गात एवढी उलथापालथ सुरू आहे वादळाने थैमान घातलेले आहे तरी या पक्षाला आपल्या पिल्लांची काळजी आहे आणि तो पक्षी आपल्या पिल्लांना घास भरवण्यात मग्न आहे ,त्यामुळे हा फोटो जगातला सर्वात शांत फोटो आहे राजाने सांगायला सुरुवात केली की तुम्हाला वाटत असेल की शांती जागेमध्ये आहे जो सुंदर फोटो आहे तो शांत आहे .खरं तर शांती आपल्या मनात आहे आपल्यातले बरेच लोक चांगल्या ठिकाणी जावू इच्छितात जिथं की चांगले डोंगर आहे झाडे आहेत सर्व काही चांगलं आहे परंतु आपण जरी चांगल्या ठिकाणी फिरायला गेलो आणि आपलंच मन जर स्थिर नसेल तर आपल्याला त्या जागेचा आनंद अजिबात घेताच येणार नाही आणि त्याच्याच उलट तुम्हीगर्दीच्या ठिकाणी असूनही जर तुम्ही आतमधून खुश असाल तर तुम्हाला बाहेर काय परिस्थिती आहे याने काहीही फरक पडणार नाही.

खरं म्हणजे आपल्याला कोणत्याही परिस्थितीत आनंद घ्यायचा असेल तर सर्वात आधी आपल्या मनाला शांत केले पाहिजे तरच बाहेरचा आनंद घेतला जाऊ शकतो जरी परिस्थिती आपल्या विरोधात जात असली तरी आपल्या मनाला शांत करणं जमलं पाहिजे कारण शांत मनानेच परिस्थितीवर नियंत्रण मिळवलं जाऊ शकतं.