“२०० अब्ज डॉलरचं स्वप्न पाहणारा मायकल डेल”

                                                                     (Photo credit:Google)

हा लेख त्या विशेष व्यक्तीमत्वाबद्दल आहे ज्यांनी फार कमी वयात यशाचं उंच शिखर सर करण्याचं स्वप्न पाहिलं आणि ते पूर्ण करण्यासाठी झटून मेहनत घेत शेवटी शिखरावर आपल्या नावाची विजयी पताका फडकावूनच दाखवली.

ज्यांनी वयाच्या दहाव्या वर्षापासून गुंतवणूक करण्यास सुरुवात केली आणि १२व्या वर्षी २०००$ रक्कम त्यांच्याकडे साचली होती.आणि १४व्या वर्षी त्यांचं उत्पन्न म्हणजे शिक्षकापेक्षा अधिक होतं.ते म्हणजे संगणक क्षेत्रात क्रांतिकारी पाऊल टाकणारे “मायकल डेल“ होय.

त्यांचा जन्म २३ फेब्रुवारी १९६५ ला अमेरिकेत ह्युस्टन शहरात झाला. त्यांचे वडील “अॅलेक्झांडर डेल” हे दंतवैद्यक होते तर आई “नील अल्फाज” या एक शेअर बाजार गुंतवणूकदार होत्या.

मायकल डेल यांनी आपलं शिक्षण हेराॅल्ड इलिमेंटरी स्कूलमधून केलं. गुंतवणूकीचे धडे त्यांनी आपल्या आईकडूनच घेतले. दहाव्या वर्षापासून त्यांना खर्चासाठी मिळणारी रक्कम वाचवण्यास सुरुवात केली.

नक्की वाचा:भारतात मराठी माणसाची मान गर्वाने उंचावणारे उद्योजक “बाबा कल्याणी”.

अजून पैसे मिळवण्यासाठी त्यांनी डार्क तिकीटे विकण्यास सुरुवात केली.ज्यातून त्यांची सुमारे २०००$ इतकी बचत जमा झाली. १९७७-७८ या साली केलीली ही बचत एका लहान मुलासाठी खूप असायची.

हळू हळू त्यांनी आपली गुंतवणूक वाढवायला सुरुवात केली आणि ही गुंतवणूक त्यांनी शेअर आणि धातूंमध्ये गुंतवण्यास सुरुवात केली तेव्हा त्यातून त्यांना १८००० $ चा नफा मिळाला जो की एका शाळेत शिकवणाऱ्या शिक्षिकेच्या वार्षिक पगारापेक्षा कितीतरी अधिक होता.

दिवस जसे चालले होते तशी संगणकाची गरजही दिवसेंदिवस वाढतच चालली होती.

जेव्हा ते १५ वर्षांचे होते तेव्हा त्यांच्या पालकांनी त्यांना एक संगणक घेऊन दिला.त्यामुळे त्यांचा संगणकाशी लगाव वाढला ते संगणकावर आपला जास्तीत जास्त वेळ घालवू लागले.

परंतु काही दिवसांनंतर संगणकाबद्दलची त्यांची उत्सुकता इतकी वाढली की त्यांच्या डोक्यात विचार आला की संगणक नेमका काम कसा करत असावा, त्या कुतूहलापोटी त्यांनी पूर्ण संगणकाचे सर्व भाग व्यवस्थितपणे सुटे केले आणि परत त्याच्या डोक्यात विचार आला की हे भाग कसे बनत असतील बरे म्हणून,

त्याने अजून एका कंपनीचा संगणक विकत घेतला आणि त्याचेही भाग आधीप्रमाणे सुटे करून पाहिले. आणि शेवटी त्याला सर्व गोष्टी लक्षात आल्या. पुढे जाऊन त्यांनी टेक्सास विद्यापीठ जीवशास्त्रीय पदवीसाठी प्रवेश घेतला. तुम्ही आता म्हणाल की त्यांचा लगाव तर संगणकाशी होता मग त्यांनी जीवशास्त्राला प्रवेश घेण्याचं काय कारण तर ही त्याची नव्हे तर त्याच्या पालकांची आपल्या मुलाने चांगला डाॅक्टर व्हावा अशी इच्छा होती. काॅलेजच्या दिवसापासून मायकलने संगणकाचे सुटे भाग एकत्रित जोडून विकण्यास सुरुवात केली आणि तो ते स्वस्त दरात देऊ लागल्यामुळे लवकरच मायकलच्या व्यवसायाने वेग पकडला.

जानेवारी १९८४ मध्ये मायकलने पीसीज लिमिटेड नावाची कंपनी सुरू केली ज्याचं पुढे मे महिन्यात नाव बदलून डेल कम्प्युटर काॅर्पोरेशन केलं गेलं.

मायकलच्या काम करण्याची पध्दत आणि स्वस्त दरात दिली जाणारी चांगली सेवा लोकांना फार आवडली त्यामुळे ही कंपनी कमी वेळात अधिकाधिक प्रसिध्द व्हायला सुरुवात झाली.

त्याकाळी इतर कंपन्या संगणक विकायच्या परंतु डेल कंपनीपेक्षा १०%, २०%,३०% वाढीव दराने संगणकाच्या भागांवर मधे नफा कमावणाऱ्यांना कमी करुन त्यांनी थेट ग्राहकांना माल उपलब्ध करून दिला. त्यामुळे दरात कमी केली गेली.

जेव्हा मायकल डेल २७ वर्षांचे होते तेव्हा ते सर्वांत तरुण मुख्य कार्यकारी अधिकारी बनले होते.ज्यांच्या कंपनीचा फाॅर्चुन ५०० कंपनीच्या यादीत समावेश झाला होता.

जगातील सर्वात मोठी संगणकाशी निगडीत आयबीएमसारख्या बलाढ्य कंपनीशी या कंपनीची तुलना होऊ लागली होती. त्यापाठोपाठ ही कंपनीदेखील आपले स्थान पसरवत होती.

त्यांच्या वैयक्तिक आयुष्याबद्दल सांगायचं म्हटलं तर २८ आॅक्टोबर १९८८ ला त्यांचं सुषानसोबत लग्न झालं त्यांना ४ मुले आहेत.

 त्यांनी वयाच्या अवघ्या १५ व्या वर्षी २अब्ज कमवण्याचं स्वप्न पाहिलं त्यासाठी त्यांनी व्यवसाय आणि गुंतवणूकीला प्राधान्य देत आपल्या ध्येयाचा मागोवा घेतला त्यांच्या आईवडिलांच्या इच्छेखातर डाॅक्टर न बनता एक मोठी कंपनी उभी करण्याचं स्वप्न पाहिलं आणि जगातील सर्वाधिक मोठी कंपनीच्या रुपात आपलं स्थान बळकट केलं.